આશ્ચર્ય

ચિત્રમ્ વટતરો મૂલે શિષ્યાઃ વૃધ્ધો ગુરો યુવા !
ગુરૌસ્તુ મૌન વ્યાખ્યાનમ્ શિષ્યાસ્તુ છિન્ન સંશયા !

અરે ! આશ્ચર્યની વાત છે. વડના વૃક્ષ નીચે યુવાન ગુરુ બેઠા છે અને શિષ્યો વૃદ્ધ છે ગુરૂ મૌન વ્યાખ્યાન આપી રહ્યાં છે અને શિષ્યોના સંશયો છેદાઈ રહ્યા છે.

Advertisements

Jupiter In Libra

તારીખ 12 સપ્ટેમ્બરથી ગુરુ તુલા રાશિમાં ભ્રમણ શરુ કરશે.હાલ ગુરુ કન્યા રાશિમાં છે.તુલા એટલે ત્રાજવું.ન્યાયનું ક્ષેત્ર તુલામાં આવે એટલે જ શનિ ગ્રહ તુલા રાશિમાં ઉચ્ચનો કહેવાય છે.
ગુરુ તુલામાં બેસશે એટલે ન્યાય અને શિક્ષણ તંત્ર તેમજ શિક્ષકોને ન્યાય મળશે.શિક્ષણ ક્ષેત્રે નાવિન્ય અને પવિત્રતા આવશે.
ગુરુઓએ પ્રમાણિકતા રાખવી પડશે અપ્રમાણિકતા રાખશે તો તકલીફ પણ પડે.
ગુરુ તુલામાં બેસશે એટલે તે કુંભ, મેષ અને મિથુન રાશીને જોશે.જ્યાં બેશે ત્યાંથી 5,7,અને 9 મી રાશી જુએ.તેથી આ રાશિવાળાઓના વિવાહ થાય,તેમને ધન અને નોકરી મળે તેમ જ પુત્ર સંતતિ મળે કેમકે ગુરુ ધન,વિવાહ અને સંતાનનો કારક છે.
આ ગુરુ 13 મહિના તુલામાં રહેશે એટલેકે ૨૦૧૮ના ઓક્ટોબર સુધી.
તુલા વાયુ તત્વની રાશી હોવાથી વાતાવરણમાં હવે પવન-વાયુનું જોર રહેશે.

મંગળનું રાશિ પરિવર્તન

આજે સવારે ૮ મે 28 મિનિટ મંગળનો સિંહ રાશિમાં પ્રવેશ થયો. આ મંગળ ગ્રહ મંડળમાં સેનાપતિ તરીકે કામ કરે છે. સમગ્ર ગ્રહ મંડળનો રાજા સૂર્ય છે અને સેનાપતિ મંગળ છે.આજે મંગળ સિંહ રાશિ માં પ્રવેશ્યો. સિંહ અગ્નિ તત્વની રાશિ છે ત્યાં સૂર્ય પણ 16 તારીખના 12 48 મિનિટથી જોવા મળે છે. જ્યારે સૂર્ય અને મંગળ સાથે હોય એટલે કે એક જ રાશિમાં અંગારક  યોગ બને છે.અંગારક યોગ ગરમી પેદા કરે છે જ્યારે મંગળ રાશિ પરિવર્તન કરે ત્યારે ચાર દિવસ અગાઉ અને ચાર દિવસ પાછળ વરસાદના યોગ કહેવાય છે  કેમકે મંગળ વૃષ્ટિનો કારક છે. મંગળ અને ચંદ્રની યુતિ શ્રી યોગ કરે છે એટલે કે લક્ષ્મીયોગ.

જ્યારે સૂર્ય નો રથ આગળ હોય અને મંગળનો રથ પાછળ હોય ત્યારે વરસ સારું ગણાય છે જો મંગળ નો રથ આગળ હોય તો વર્ષ નબળુ રહે છે કે કે ગરમીની માત્રા વધુ રહે છે અને દુષ્કાળ પડે. આ વખતે પણ મંગળનો રથ આગળ હતો પરંતુ 28 જુલાઈથી સૂર્યનો રથ આગળ છે અને મંગળનો રથ પાછળ થયો આથી વૃષ્ટિ વધે આ રથ આગળ હોવું એટલે કે સૂર્ય આગળની રાશિમાં હોય અને મંગળ પાછળની રાશિમાં હોય ક્યારેક એવું બને કે આંશિક રીતે સૂર્ય આગળ હોય અને મંગળ પાછળ હોય સૂર્ય આગળ હોય આ સારા વર્ષની નિશાની છે સૂર્ય એ રાજા છે ગ્રહમંડળમાં તે આગળ હોવો જોઈએ અને તો જ વૃષ્ટિ  શક્યતાઓ વધી જાય છે. આજે મંગળનું રાશિ પરિવર્તન થયું છે. તેના કરતા સૂર્ય આગળ છે આથી હવે વર્ષ દરમિયાન વૃષ્ટિ શક્યતાઓ વધુ રહેશે. આ વર્ષે સૂર્ય-મંગળ સાથે છે તેથી અંગારક યોગ છે આને કારણે ગરમી અને બફારાનું પ્રમાણ વધશે સિંહ રાશિવાળા માટે મગજ વધારે ગરમ રહે એટલે કે ગુસ્સો આવે તો નિયંત્રણ રાખવું જોઈએ.

Karmfal

કર્મફળ
કર્મ કેટલાક એવા હોય છે કે તેનું તુરત જ ફળ મળે તેને ક્રિયમાણ કર્મ કહેવાય.કેટલાક સંચિત કર્મ હોય છે જેનું ફળ મળતા સમય લાગે છે.
તમે સત્કર્મ કરો, દાન આપો,સેવા કરો અને ફોટો પાડીને વર્તમાન પત્રમાં આપો. લોકો વોટસેપ પર તમને like કરે, પ્રશંસા કરે એટલે તમને ફળ મળી ગયું.જો તમારે નિરાતે ફળ જોઈતું હોય તો તે સદ્કર્મનું ફળ મળતા વાર લાગે.”ચડ ચુલા”તો કેવું ખાવા મળે?
તેથી જ વડીલો કહેતા કે સદકર્મ કરો તો કોઈને કહો નહિ. જમણા હાથે સદ્કર્મ કરો તો ડાબા હાથને ખબર ના પડવી જોઈએ.હા,તુરત ફળ મેળવવું હોય તો બધાને જાણ કરી દેવી અને ફળ મળી જાય.
કેટલાક લોકો એવું ઈચ્છે કે મને લોકો કાયમ વાહ વાહ કર્યા કરે.આને તર્કશાસ્ત્રમાં આને સોપાધિક દોષ કહે છે.વરરાજા સગા વહાલાને કહે કે “મારા ગીત કાયમ ગાયા જ કરો ફક્ત એક દિવસ નહિ મારે તો લગ્ન ગીત કાયમ સાંભાળવા છે.”આ હાસ્યાસ્પદ લાગે પણ પ્રશંસા એક વ્યસન છે.માણસ એકવાર વખાણ સાંભળે પછી વખાણ વગર ના ચાલે. તેથી સદ્કર્મ કર્યા પછી તેને પાકવા દેવું જોઈએ.
ઈશ્વર -વિધાતા કે પરમતત્વ પર શ્રધ્ધા રાખી ધીરજ ધારણ કરવી પડે પણ કેટલાક નાના બાળક જેવા હોય છે ગોટલી વાવીને એક કલાકમાં જ જોવા જાય કે આંબો ઉગ્યો કે નહિ આને જ મિલ નામનો તર્કશાસ્ત્રી “મનની ઢીલી આદત”કહે છે.

ન્યાયનો દેવ શનિ..

સામન્ય રીતે શનિ મહારાજ અને તેની પનોતીનું નામ પડતાં જ લોકો ગભરાય છે.જો કર્મનું ફળ આપનાર અને ન્યાય આપનાર હોય તો તેનાથી ગભરાવું શા માટે?

પરન્તુ માનવસહજ ભૂલો અને વૃત્તિઓને કારણે વર્તનમાં દોષો આવવાના જ અને તેના ફળ સ્વરૂપે દુઃખ પણ આવે જ.ઘણી વાર વ્યક્તિ ફરી ભૂલ ના થાય બીજાને પરેશાની ના થાય તેનું ધ્યાન રાખે પણ કામ,ક્રોધ,લોભ,મોહ,મદ અને મત્સર આ  ષડરિપુ તેને ભૂલ કરાવે.

આવા સમયે માણસની વૃત્તિ કેવી છે?તેનું ધ્યાન આ શનિદેવ રાખે છે.જો વૃત્તિ શુદ્ધ હોય તો તેની દશા -સમય કે પનોતીમાં રાહત મળે છે.કોઈ વ્યક્તિનું આર્થિક,માનસિક,શારીરિક કે રાજકીય શોષણ કરવામાં આવે તો પનોતીના સમયમાં તેનું ફળ ભોગવ્યા વિના છૂટકો નથી.

એવી જ રીતે જેનું શોષણ થયું હોય તો તેને સારો સમય પણ આવે છે પરન્તુ સારા કે ખરાબ સમયમાં વૃત્તિ પ્રામાણિક રહે તેના પર શનિદેવ પ્રસન્ન થાય છે.વૃત્તિનો અર્થ દાનત સમજવો જોઈએ.કદાચ સારું કર્મ ના થઈ શકે તો પણ ન્યાયનો દેવ આપણી વૃત્તિ દાનત જોઇને સારું કે ખરાબ ફળ આપે છે કેટલીક વાર સારું કર્મ કરવામાં મજબૂરી હોય તો શનિદેવ એ વૃત્તિ આધારિત ફળ આપે છે.

 ખગોળમાં પરિવર્તન

અવકાશ ક્ષેત્રે ક્ષણે ક્ષણે પરિવર્તન થતા હોય છે.પરન્તુ આ મહિનામાં મંદ ગતિએ ચાલનાર મુખ્ય ગ્રહોનું પરિવર્તન પર્યાવરણ અને વાતાવરણ પર અસર કરે છે. 

આજે શનિમહારાજ માર્ગી બને છે તે આજ સુધી વક્રી હતા.વૃશ્ચિક રાશિમાં થતું પરિવર્તન જળ વરસાદમાં પરિવર્તન લાવે.વૃશ્ચિક જળ રાશિ છે.

હજુ રાહુ કર્ક રાશિમાં 17.8.17ના રોજ પ્રવેશ કર્યો.કર્ક પણ જળ રાશિ છે.

તા.12.9.17ના રોજ ગુરુ મહારાજ તુલા -વાયુ તત્વની રાશિમાં પ્રવેશશે.આને કારણે વરસાદ અને વાવાજોડા આવી શકે.

આ ત્રણ ગ્રહ માંદિ કહેવાય છે કેમકે તેમની ચાલ મંદ છે.શનિ અઢી વર્ષે,રાહુ દોઢ વર્ષે અને ગુરુ 13 માસે રાશિ બદલે છે.આ ગ્રહોની અસર પૃથ્વી પર થાય છે.ન્યાય,શિક્ષણ અને રાજકીય પરિવર્તનો આવે..પર્યાવરણ પરિવર્તન આવે..

Thought Of The Day

આત્મશ્લાધા શતવારમ્ કુર્વન્ શક્રો અપિ શ્વાનતામ્ યાતિ !

જો ઇન્દ્ર પોતાના સો વાર વખાણ કરે તો તે પણ કૂતરા જેવો ભાસે છે.

કોઈપણ વ્યક્તિને પોતાના વખાણ કરતો માણસ ક્યારેય ગમતો નથી કેમ કે સાંભળનાર વ્યક્તિને હંમેશાં પોતાના વખાણ કરવાં ગમે છે પરંતુ બીજાનાં વખાણ સાંભળવા ગમતા નથી તેથી જ ઉપરની પંક્તિમાં કહ્યું છે કે પોતાના વખાણ કરનારો માણસ બીજાને માટે હંમેશા કૂતરા જેવો ભાસે છે. વખાણ બાબત એવી છે કે જે પોતાના હોય તો ગમે પરંતુ બીજાનાં વખાણ સાંભળવામાં વ્યક્તિને કંટાળો આવે છે અને વખાણ કરનાર વ્યક્તિ પોતાના વખાણ કરે ત્યારે તેને મજા આવે પણ બીજા તે સાચા વખાણ છે કે ડંફાસ તેનું મૂલ્યાંકન કરતો હોય છે તેથી આત્મશ્લાધા ક્યારેય ન કરવી તેવું આ પંક્તિમાં કહ્યું છે.પોતાના વખાણ કરતી વખતે ધ્યાન રાખવું કે સાંભળનાર વ્યક્તિ મારી કરતા હોંશિયાર છે.

જો કે મને તો એમ થાય કે કૂતરો ક્યારેય પોતાના વખાણ કરતો નથી એટલે આવા માણસની ઉપમા તેને આપવી યોગ્ય નથી.ખરેખર તો આવી સ્વપ્રશંસા કરતી કરતા કૂતરો પણ સારો કહેવાય.