તુલા સંક્રાંતિ

તુલા સંક્રાન્તિ
આજથી સૂર્ય 12ને 35 મિનિટથી તુલામાં પ્રવેશ થશે.આથી ઠંડીનું પ્રમાણ વધી શકે કેમકે તુલા એ સૂર્યની નીચ રાશિ છે સૂર્યનાં કિરણો હવે ત્રાંસા પડશે અને આને કારણે ઠંડીનું પ્રમાણ વધે જ્યારે તો સૂર્ય તુલા મા આવે ત્યારે તે નબળો બને છે.આને કારણે સૂર્યનો અસ્થિ ઉપર પ્રભાવ હોવાથી કેલ્શિયમનું પ્રમાણ ઘટે છે જેમની કુંડળીમાં સૂર્ય નબળો હોય તેમને હાડકાંને લગતી તકલીફો રહે છે. સૂર્યને બળવાન બનાવવા માટે સૂર્યનું સવારમાં દર્શન કરવું. સવારમાં સૂર્યને અર્ધ્ય આપવું અનૐ હ્રિમ્ સૂર્યાય નમઃ! એ મંત્રનો જપ કરવો. જ્યારે સૂર્ય બળવાન બને ત્યારે પિતાનું સુખ સારું મળે છે અને શરીરમાં કેલ્શિયમ પણ સારું બની શકે છે. આવતીકાલે તારીખ 17 10 2017 થી સૂર્ય તુલા રાશિમાં પ્રવેશશે હવે હેમંત ઋતુ શરૂ થશે.હેમંત એટલે હિમનું અંત હવે થોડી થોડી ઠંડી શરૂ થશે.

Advertisements

वाग्घबारस

વાઘબારસની વ્યુત્પત્તિ પાણિનીની અષ્ટાધ્યાયી મુજબ….

झयो होऽन्य तरस्याम् ८/४/६२
ઝ, ભ, ઘ, ઢ, ધ, જ, બ, ગ, ડ, દ, ખ, ફ, છ, ઠ, થ, ચ, ટ, ત, ક અને પ એટલે કે झय પછી ઘોષ નાદ સંવૃત અને મહાપ્રાણ અક્ષર આવે તો ક નો ગ અને ઘ થાય છે એટલે કે ક થી ચોથા અક્ષરનો આદેશ થાય છે જેમ કે वाग्घरि: ! वाग्हरि:!
જેનો અર્થ થાય છે બૃહસ્પતિ કે સિંહ જેવી વાણીથી ગર્જના કરનાર…
આવી જ રીતે
वाक् +द्वादशी
वाग् +द्वादशी
वाग्घः +द्वादशी
શબ્દ બનેલો છે અને ગુજરાતીમાં વાઘ બારશ થયું છે.ખરેખર ગઈકાલે રમા એકાદશી એટલે કે લક્ષ્મીનું પૂજન અને આજે સરસ્વતી વાગ્દેવીનું પૂજન છે.

સારસ્વત સભા

.આજરોજ ઉચ્ચતર માધ્યમિક વિભાગ, ભાવનગરની સાધારણ સભા શાંતિલાલ શાહ હાઈસ્કૂલમાં મળી. જેમાં શિક્ષકોના સંતાનોને પારિતોષિક વિતરણ થયું. વિશિષ્ટ સિદ્ધિ મેળવનાર શિક્ષકોનું સન્માન કરવામાં આવ્યું તેમ જ નિવૃત્ત થતા શિક્ષકોને સન્માન પણ યોજાયું સંજના બધા જ શિક્ષકો એ સાથે ભોજન લીધું.

.

ગરબો-માળો

પર્યાવરણ બચાવવા માટે આપણે થોડી મદદ કરી શકીએ.

નવરાત્રી ઉજવણીનો મૂળ હેતુ જ પ્રકૃતિની પૂજા છે.ગીતામાં વર્ણવેલ અષ્ટધા પ્રકૃતિ અને તેની સાથે જોડાયેલ ચેતન તત્વ આત્મા એમ નવ દિવસ પ્રકૃતિનું આરાધન કરવાનું હોય છે.જેમ શિવરાત્રીમાં દૂધનો અભિષેક પર્યાવરણની જળ સૃષ્ટિ જાળવવાનો છે તેમ જ નવરાત્રીનો સંદેશ પણ પ્રકૃતિ સાયુજયનો છે.

વર્તમાન સમયમાં નવરાત્રિનું પર્વ સારી રીતે બધાનું જોઈ રહ્યાં છે. આ ઉજવણીમાં ધાર્મિક વિધિમાં ભાગ સ્વરૂપે ઘણા લોકો માટી ના ગરબા ની પૂજન કરે છે. આ માટેનો ગરબો નવરાત્રી પછીના સમયમાં બિન ઉપયોગી રીતે મૂકી દેવામાં આવે આના બદલે જો આપણે તેનો ઉપયોગ ચકલીના માળા તરીકે કરીએ તો નવરાત્રી ની ભક્તિ સાથે પર્યાવરણની સેવાનો આનંદ લઇ શકીએ.

આ માટે આપણે માત્ર ગરબાને ત્રાંસો રહે તે રીતે મકાનની છત કે લેવાના ભાગે સુરક્ષિત જગ્યાએ બાંધવાનો છે એટલે ચકલી આપોઆપ તેનો ઉપયોગ રહેઠાણ તરીકે કરવાની ચાલુ કરી દેશે આ પ્રવૃત્તિ આપ જાતે અથવા તો અમને ગરબો આપીને પણ કરી શકો છો.
આ કામમાં આપની મદદ મળશે એવી અપેક્ષા સાથે….

શ્રી પી.એમ.સર્વોદય હાઈસ્કુલ,ઉમરાળા.